Uztailaren 15ean Zitek-ek antolatzen dituen Think Big sariak banatuko dira, UPV/ EHUko komunitate ekintzailearen artean espiritu ekintzailea sustatzeko.

Negozio-ideia duten eta Bizkaiko Campuseko edozein fakultate edo eskolatan matrikulatuta dauden ikasleek izango dute aukera.

3 000 €, 2.000 € eta 1.000 €-ko (3. eta 4.) lau sari ekonomikoez gain, beren ideia enpresa bihurtzea erabakitzen badute, talde irabazleek prestakuntza, finantzaketa bilatzeko aholkularitza eta Zitek Programaren mintegietako batean lan egiteko gune bat eskuratuko dituzte.