Seriesland – Bilbao Internacional Digital Festivalen 9. edizioa azaroaren 7tik 11ra emango da. 20 herrialdetako ehun proiektu digital baino gehiago ikusiko dira hogeita hamar sari irabazteko lehian.

Programazioari hasiera emateko, webserien fake trailerren Xpress lehiaketa egingo da eta, gero, 40 jarduera baino gehiago izango dira, besteak beste Basqueguna. Ekitaldi horretan euskal ekoizleak eta nazioartekoak batuko dira, eta aurten adimen artifiziala landuko da.

Edizio bakoitzean ekarpen berriren bat egiteko helburuarekin jarraituz, 2023ko ekitaldian podcastei buruzko atal berria izango da eta mundu osoko sortzaileekin aritzeko Seriesland metabertsoa.
Hasierako ekitaldia eta proiekzio gehienak Bilborock-en egingo dira; amaiera-ekitaldia eta sarien banaketa, aldiz, azaroaren 10ean izango dira Guggenheim Bilbao Museoan.