Urriaren 14tik 22ra BilboRockek Seriesland, Bilboko Webserieen Nazioarteko Jaialdiaren VIII. edizioa egingo da.
Oraingoan lau kontinenteetako 26 herrialdetatik lehiaketarako 80 titulu baino gehiago aukeratu dira. Hala, jendeak gutxitan pantailetara iristen diren ekoizpenak ikusi ahalko ditu. Ekoizpenetan azpimarragarriak dira zuzendaritzan emakumeen protagonismoa (lehiaketarako webserieen % 50) edo obren batez besteko iraupen luzeagoa (15′ – 20′). Generoen ikuspegitik, ohizko komedia eta dramarekin batera, edizio honetan dokumentala garrantzia hartzen doa, eta hogei bat titulu aurkeztuko dira.

Lehiarako atalaz eta amaitzeko jaiaz gain, programa zenbait jarduerarekin osatuko da, eta Bizkaiko hiriburuko puntu desberdinetan banatuko dira. Berriz itzuliko da eduki digitalen nazioarteko merkatua, eta sektorean gailurrean dauden enpresak eta DIMA mezenasgoko plataforma elkartuko dira ikus-entzunezkoetan eta formatu berritzaileetan garatzen ari diren talentuek finantzaketa, baterako ekoizpena eta banaketa aurkitu ahal izateko.