Urriaren 4tik 8ra ForoTech egingo da, aurten ardatz moduan Garapen Jasangarriko 11. Helburua: hiri eta komunitate jasangarriak izango duena. Ohikoak diren jarduera akademikoen eta enpresarialen eta ikasleen jardueren programari eta Ada Byron Emakume Teknologoaren sariari aurten ForoTech Academy batzen zaio, Deustuko Unibertsitateko Deusto Emprende, Berrikuntza eta Ekintzailetza Unitatearekin elkarlanean garatu den ekimena.
ForoTech Academyren helburua teknologiak eta horien aplikazioak ekintzailetzaren mundura zabaltzea eta ikuspegi teknologikoa, etikoa eta jasangarria bateratzen duten unibertsitateko spin-offen garapena sustatzea da.

Ondore horretarako urriaren 5, 6 eta 7an, Bilboko, Donostiako eta Gasteizko campusetan adimen artifizialari buruzko bootcamp-a antolatu da, AI Saturdays-ek emango duena.