Azaroaren 16tik 25era bitartean, Zitekek EHUko Bizkaiko Campuseko ekintzaileei zuzendutako elkarlaneko negoziazioari buruzko oinarrizko prestakuntza antolatu du.

Ikastaroa online emango dute Christian Lamm eta Asier López de Gereñok, biok ala biok Harvard Negoziazio Metodoan trebatzaile gisa ibilbide luzea dutenak.

Lau saio izango ditu (azaroaren 16, 18, 23 eta 25a), bakoitza 2,30 ordukoa. Horietara guztietara joateak Euskadiko Elkarlan Zuzenbidearen Elkarteak bermatzen duen elkarlaneko profesionalaren ziurtagiria (1. modulua) eskuratzea ahalbidetuko du.

Plaza mugatuak. Izena emateko: zitek@ehu.es