Abenduaren 4an eta 5ean, EHUko Zientzia eta Teknologia Fakultateak Ekin 48 ordutan tailerra antolatu du. Beste behin ere, unibertsitateko ekintzailetza sustatzea da Zitek bultzatutako ekimen honen helburua, oraingoan formatu azkarrean.

Asmoa da zortzi talde ekintzailek negozio-aukerak errekonozitzen eta enpresa baten arrakastan eragina izango duten gaiak identifikatzen ikastea, hala nola proiektuaren berrikuntza-maila, haren lege-babesa edo komunikazioa. Adrián Odriozola (Berrikuntzaren Euskadi Saria) eta Ricardo Merino (Jabetza industrialaren eta intelektualaren kudeaketan aditua) irakasleek lagunduko diote.

ECTS kreditu bat lortzeko aukera ematen du tailerrak.