Otsailaren 18an, Bizkaia Aretoak Global Entrepreneurship Monitor 2025 (GEM) nazioarteko biltzarra hartuko du, non mundu osotik etorritako 300 aditu eta espezialista baino gehiago bilduko diren ekintzailetzaren inguruan aritzeko. Aukera paregabea izango da enpresa-alorreko azken joera globalak ezagutzeko, harremanak egiteko eta Bizkaiko ekosistema ekintzailearen indarguneak erakusteko. Izen-emateak. 

Biltzarrean honako hauek aurkeztuko dira:

• GEM 2025 Munduko Txostena, ekintzailetzari buruzko datu-iturri fidagarriena da munduan, 50 herrialdetako enpresariengandik zuzenean bildua (136 000 pertsona), eta eskualdeen arteko zein munduko konparazioak egiteko tresna baliotsua.
•  Emakume Ekintzailearen txostena, emakumeek enpresa-eremuan dituzten aukerak eta erronkak agerian uzten dituena, ekintzailetzan genero-arrakala murrizteko proposamenak aurkeztuz.
• Jasangarritasunari eta Ekintzailetzari buruzko Munduko Txostena, non ekintzaileak negozio eredu etikoago eta jasangarrietarako trantsizioa gidatzen ari direla islatzen den.

Ekitaldia Euskal Ekintzailetzaren Behatokiak (EEB-OVE), antolatzen du, GEM Global eta GEM Spain erakundeekin batera, eta Bizkaiko Foru Aldundiaren, Bilboko Udalaren, ENISAren eta hiru euskal unibertsitateen babesa dauka.