Urriaren 15era arte zabalik dago BIND SMEn izena emateko epea. Ekimen horrek EAEko startup, enpresa txiki eta ertainen arteko lankidetza sustatzen du, berrikuntza irekiko dinamiken bidez.

Startup eta scaleup-ei zuzendutako deialdia da, betiere gehienez zortzi urteko antzinatasuna badute eta dagoeneko probatuta dagoen teknologia berritzaileko produktu edo irtenbide bat badaukate. Programa horri esker, beren garapenak benetako testuinguruan probatu ahalko dituzte. Halaber, parte hartzen duten 17 enpresa txiki eta ertainek berrikuntzaren arloan dituzten erronkei ikuspegi berri batetik heltzeko aukera izango dute.