Otsailaren 20an, Bilbao Slush’D topaketa egingo da BECen; hala, Bizkaia ekintzailetza teknologikoaren topagune bihurtuko da, eta, bereziki, euskal, finlandiar eta Baltikoko startupen arteko lotura. 

Slush’D ekitaldia BayLoop Venturesek antolatzen du, 2008an sortutako finlandiar jatorriko venture studio bat, euskal ekintzaile batek eta finlandiar ekintzaile batek sustatua. Haren helburua da ideia berritzaileak dituzten pertsonen, inbertitzaileen eta hainbat sektoretako adituen arteko lankidetza globala bultzatuko duen komunitate bat sortzea.

Hemezortzi herrialdetan eta lau kontinentetan antolatutako 21 ekitaldi baino gehiago egin ostean, Slush’D Bilbora iritsiko da. Topaketa honetan, besteak beste, pitch competition bat egingo da, zeinak startup irabazleari aukera emango baitio bere proposamenak Europako etapa goiztiarretarako funts nagusietan aurkezteko, hala nola Accel, General Catalyst, Lightspeed Venture Partners, NEA eta Northzone.