Irailaren 23an eta 24an, B Acceleration Week egingo da BATen eta hauexek hartuko ditu barne: Startup World Cup Iberiaren eskualdeko finala, Acceleration B programen hasiera eta B Azelerazio foroa. 

Irailaren 23an, astelehena, hamabi startupek hartuko dute parte Startup World Cup lehiaketaren finalean; Pegasus Tech Venturesek antolatzen du eta hirurogei herrialdetan baino gehiagotan egiten da. Proba horretan, munduko finalean Iberia ordezkatuko duen enpresa aukeratuko da; urriaren 4an izango da finala, Silicon Valleyn, eta irabazleak milioi bat dolarreko inbertsioa egiteko saria eskuratuko du.

Hilaren 24an, B Azelerazio Foroa egingo da, eta aurkeztuko dira BATek abian jarritako sei B Azelerazio Programen baitan Altuna y Uria, Ayesa Ibermática Fundazioa, Gertek, Google Cloud, Sonae MC & EIT Manufacturing eta Iberdrola PERSEO GSGIH enpresek planteatutako erronkei erantzuteko konponbideak aurkezteagatik aukeratu diren startupak.

Bi egun horietan, Startup Village delakora bertaratutakoek, startup parte-hartzaileek eta Bizkaiko ekintzailetzako ekosistemako beste protagonista batzuek elkar ezagutuko dute eta solasean aritu ahalko dira.