Seriesland – Bilbao International Digital Festivalen 10. edizioak 20 herrialdetako ehun proiektu digital baino gehiago proiektatuko ditu azaroaren 5etik 9ra, eta hogeita hamar bat sari jaso ahal izango dituzte, horien artean Euskal Serie Onena. Protagonismo berezia izango dute enpresei zuzendutako jarduerek eta talentu gazte eta sortuberriei laguntzen saiatzen direnek.

Edizio honetan 150 proiektu digital baino gehiago jaso dira, besteak beste, serie laburrak, podcastak, pilotuak, showak, dokumentalak eta trailerrak. Sail berriak sortu dira —pilotuak—, fikzio seriatuaren munduan hasten ari diren proiektu eta enpresei laguntzeko. Gizarte-sari batzuk gehitu dira (aldaketa-motorra edo eztabaida-sortzailea) ikus-entzunezkoak duen funtzioa nabarmentzeko.

Nobedadeak eta ohiko atalak —hilaren 8an Getxon ikus-entzunezko industriako eta industria digitaleko enpresak eta profesionalak bilduko dituen Basqueguna— elkartuko dira, talentuaren, berrikuntzaren eta teknologia berrien aldeko apustua hamar urtez egin ondoren, dagoeneko klasikotzat jo daitekeen topaketa batean.