Uztailaren 7an Demo Day BIND 4.0 izenekoa egingo da Euskalduna Jauregian, 2022an garatu diren aukera teknologikoak erakusteko eta hurrengo edizioaren aurkezpena egiteko. 

Berrikuntzaren plataforma ireki horrek seigarren edizioa izan du 2022. urtean. Eusko Jaurlaritzak bultzatzen du, hiru foru-aldundien eta EAEko BICen laguntzarekin (horien artean BEAZ ere badago), 4.0 industriako enpresa sortuberrien eta EAEko enpresa eragileen arteko lankidetza bultzatzeko asmoz.

Sortu zenetik, BINDaren esparruan lan egingo dute mundu osoko 160 startupek eta programaren bazkide korporatiboek, 240 proiektu garatzeko (guztira 7 milioi euroko balioa).

Demo Day delakoari esker xehetasunez ezagutuko ditugu aurten parte hartu duten 28 startupek (zazpi bizkaitarrak) garatutako 33 aukerak.

Topaketan 7. edizioaren hasiera ere azalduko da.