Apirilaren 11tik ekainaren 2ra, 42 Urdulizek Zibersegurtasuneko bootcamp-aren 2. edizioa hartuko du. Inskripzioak beteta daude.

Zortzi astez, 100 pertsonak kriptografia, sareko segurtasuna, garapen segurua eta babesa, web segurtasuna, ahultasunak, auzitegiko informatika, malware eta kode maltzurrak, OSINT segurtasuna eta iturri irekietako ikerketarekin lotutako ezagutza teknikoak eskuratuko dituzte, besteak beste.

Gakoa, ordea, ez da bakarrik zer ikasiko duten, baizik eta nola egingo duten: teoriarik gabe, irakaslerik gabe, ordutegirik gabe, ikaskideengan oinarrituz eta pertseberantzia handiz.

Aukera ona, batez ere enpresentzat, gaur egun gehien eskatzen diren gaitasunetako bi ezagutzeko: Python eta zibersegurtasuna, eta 42. metodologiara hurbiltzeko.