Ecomat Zaratamoko ingeniaritza-bulego bat da, garbiketa industrialeko ekipoen, ekipo mugikorren eta tratamendu-instalazioen fabrikazioan espezializatua. COVID-19ri aurre egiteko Txinan egin dutena erreferentziatzat hartuta, kaleak desinfektatzeko kamioi batzuk egin dituzte eta desinfekzio-arkuak hobetu dituzte. Horrela, altzairu herdoilgaitzezko sistema guztiz modularra sortu dute, hiru tamainatan eskuragarri dagoena, presio altuaren bidez funtzionatzen duena eta pertsonen, NBE eta ibilgailuen gaineko desinfektatzaile mikropartikulak lainoztatzen dituena. Hainbat enpresatan, ospitale txikietan eta egoitzatan jarri dituzte arkuak.
