COVID-19aren ondorioz diseinuaren eta artearen munduan egiten duen ohiko lana bertan behera utzi du Estudios Durerok, ospitaleetarako eta adinekoen zentroetarako babes-pantailak fabrikatzeari ekiteko. 11000 pantaila ekoitzi, dohainik eskaini eta banatu dituzte. Gainera, beren teknologia erabiliz eta publizitateko ehunetan duten eskarmentuan oinarrituta, txabusina sanitario seguru, sinple eta ekonomiko bat diseinatu dute eta 500 000 unitate fabrikatzera iritsi dira.
