Euskadin oinarri teknologikoko enpresa-proiektu bat baduzu edo duela gutxi enpresa bat sortu baduzu, Sua Sariak eskuratzeko aukera duzu. Sarien bidez, Euskadiri lotutako proiektu teknologikoak sustatu nahi dituzte Sua Digital erakundeak, Bizkaiko Foru Aldundiak eta Bilboko Udalak. Izena emateko epea: martxoaren 31ra arte.
Aurkeztutako proiektu guztien artean, hamar proiekturik onenak hautatuko dira eta Sua Tech Meeting ekitaldian defendatu beharko dira, apirilaren 17an, Bilboko Zabalguneko eraikinean. Sariei esker, KBI Digital ekintzailetza digital aurreratuko proiektuen mintegian urtebetez egoteko aukera egongo da eta negozioa garatzeko SUAko adituen aholkularitza izango du.
