Otsailaren 3an M-ERA.NET 2015 deialdi transnazionala irekiko da eta horren bitartez euskal enpresek makro, mikro eta nano eskalan, materialen teknologia eta ingeniaritzaren eremuan, I+G+baren nazioarteko proiektuetan parte hartzeko aukera izango dute. Proposamenak ekainaren 9ra arte bidal daitezke.
M-ERA.NET nazioarteko sarea da eta bertan 25 herrialde europar sartuak daude 36 finantzazio-erakunderen bidez ordezkatuak. Horietatik 7 eskualdekoak dira. Euskal Autonomia Erkidegoaren kasuan, deialdia Eusko Jaurlaritzako funtsen bitartez finantzatzen da.
Bazkideak bilatzeko bi tresna daude: NMPTeAm2 eta Enterprise Europe Network (EEN)
