Bizkaiko Foru Aldundiko Ekonomia Sustatzeko Sailak eta Seoul Business Agency (SBA) agentziak akordio bat sinatu dute startup teknologikoen garapenean lankidetza indartzeko. Agentzia hori lider da Seulen enpresa txiki eta ertainen industria-sustapena lantzen eta enpresa horiei laguntza ematen.
Lankidetza hori SBAren ordezkaritza bat eta Seulgo lau startup iritsi direnean gauzatu da. Startup horiek hilabeteko azelerazio-programa batean parte hartzen ari dira B Accelerator Tower dorrean, Beaz foru-sozietatearen eskutik. Enpresa emergente horiek Bizkaiko ekosistema berritzailearen onurak jasotzen dituzte, eta Beazek eta BATeko operadoreak berak enpresa-proiektu berrien sorrera, berrikuntza eta nazioartekotzea laguntzeko sustatzen dituzten baliabideak, ezagutzak eta sareak eskuratuko dituzte.
Joseba Mariezkurrena Ekintzailetza eta Enpresen Lehiakortasuna Bultzatzeko zuzendariak adierazi duenez, Seulekin egindako akordio honek fase zirraragarri bat markatzen du ekosistema indartsu eta konektatu bat indartzen jarraitzeko eta Bizkaiko enpresa eta pertsona ekintzaileentzako aliantza eta aukera berriak bilatzeko zereginaren barruan. Eta erantsi du berrikuntzak ez duela mugarik, baina ezinbestekoa dela zubiak ezartzea.
Funtsezko lankidetza-arloetan hauek sartzen dira: sareak trukatzea, enpresa-jardunbide egokiak sustatzea, merkataritza-trukerako laguntza ematea, eta erakundeen eta enpresen ordezkaritzei harrera egitea. Gainera, akordioak bi erakundeen herrialdeetan hedatu nahi duten enpresei laguntzeko konpromiso bateratua nabarmentzen d
