BEP arloan gaitzeko ibilbidearen beste deialdi bat

Apirilaren 19ra arte zabalik egongo da epea Berrikuntzaren Erosketa Publikoan gaitzeko Ibilbidearen bigarren deialdian sartzeko. Beaz BEP zerbitzuaren ekimena zehatz-mehatz azaldu da” Bizkaiko ETEak eta startupak BEParekin birkonektatuz” jardunaldian.

Ibilbidea, BEP Gida dualarekin batera, Beazek 2020ko urrian sortu zuen zerbitzu horren lehen ekintza da, Bizkaiko ETEek eta startupek horrelako prozeduretan parte har dezaten sustatzeko. Izan ere, prozedura horiek “aukera bat dira merkatura sartzeko, networking oso indartsua egiteko eta gaur egun balorazio-aldi luzea duten garapenak baliozkotzeko”.

Oraingoa bigarren deialdia da. Lehenengoan 37 enpresak parte hartu zuten, eta hiru hilabetez hainbat talde-saiotan parte hartu zuten, BEP metodologiak eta prozedurak hobeto ezagutzeko. Horietako bederatzik, gainera, tutoretza pertsonalizatuak izan zituzten BEP proiektuak identifikatzeko eta horiek gauzatzeko. Bi ETEk –Premium berritzailea– berariazko laguntza izan zuten BEP estrategia lantzeko eta proposamen zehatz bat aurkezteko.

Lehen edizio horren eskema orokorra mantendu egin da, baina eduki praktiko gehiago gehitu dira eta BEP estrategia komertziala landuko da prestakuntzaren hasieratik. Gainera, aurreko deialdian parte hartu zuten enpresa batzuen ezagutza-transferentzia egongo da, hala nola MeteoBit enpresarena, zeinak honela azaltzen baitzuen zerbitzuak eman diena: “Prestakuntza orokorra izatetik urrun, gure beharretara oso egokitutako laguntza eman digu, eta aukera eman digu horrelako tresnak eskuratu ahal izateko, historikoki ETEetatik eta startupetatik urrun samar egon baitira beti”.