Urtero bezala, Barrixek aztertu egin ditu EUSTATek hamar langile edo gehiago dituzten Bizkaiko enpresen artean 2012an eta 2013an egindako Berrikuntza Teknologikoari buruzko Inkestan bildu dituen datuak. Horietatik abiatuta, “AurreTIK 2015, Bizkaiko Berrikuntza Teknologikoari buruzko Inkesta” izeneko azterlana argitaratu du.
Honezkero eskuragarri dago. Hona azterlanean jasotako adierazleetariko batzuk: berrikuntza teknologikoetan egindako gastua 1.033 milioi eurokoa izan zen 2013an, hau da, batez besteko gastua 741 548 eurokoa izan zen enpresa bakoitzeko; eta berrikuntza gehiago egiten da prozesuan (%21,3) produktuan baino (%18,2).
