Irailaren 18an, ACICAEk, AIC-Automotive Intelligence Center-ekin eta Bizkaiko Foru Aldundiarekin lan-kidetzan, helburutzat talentua mugikortasunaren sektoreko lan-aukerekin lotzea duen Mobility Job & Talent Day enplegu-azokaren edizio berria antolatzen du.

Topaketan hainbat enpresa egongo dira euren stand propioekin; era berean, parte hartzen duten erakundeek hitzaldiak eskainiko dituzte euren jardueraren eta gehien eskatzen diren profilen berri emateko, eta hautagaiekin bilera pertsonalizatuak egiteko aukera izango da. Halaber, bertaratutakoen enplegagarritasuna hobetzeko tailerrak emango dira.