Zazpi proiektu iritsi dira Provider enpresa-ideien lehiaketaren finalera. Programa hori Beazek eta Tknikak bultzatzen dute, LHko ikasleen artean 4.0 industriarako soluzioak ematen dituzten negozioen ekintzailetza sustatzeko.

Maiatzaren 7an, CIFP Emilio Campuzano LHII, CIFP Txurdinaga LHII, Centro Educativo Arangoya Ikastetxea FP, Lea Artibai Ikastetxea, CIFP Fadura LHII, CIFP Santurtzi LHII eta Salesianos Deusto ikastetxeek beren proposamenak defendatuko dituzte Bizkaiko Foru Aldundiko, Beazeko eta Tknikako ordezkariek osatutako epaimahai baten aurrean.

Puntuaziorik handiena lortzen duen taldeak 3 000 € jasoko ditu bere proiektua garatzeko, eta bigarrenak 1 500 €. Gainera, biek izango dute BIC Bizkaiaren ekintzailetza-ikasgelarako sarbidea, eta laguntza pertsonalizatuko programa batean parte hartuko dute.