Maiatzaren 26tik 30era, BAT B Accelerator Tower ekitaldi berezi honen hartzailea izango da European Study Groups with Industry (ESGI) delakoak bere ibilbidean zehar antolatuko duen 188. topaketa.

ESGI ezagutza transferitzeko arazoak konpontzeko foroak dira. 1968an jaio ziren, Oxforden, hainbat industrialarik matematikari talde bati erronka batzuk planteatu zizkiotenean. Ordutik, dinamika urtean hainbat aldiz errepikatzen da Europako hainbat herrialdetan.

Horrela gertatuko da BCAMek, Bizkaiko Foru Aldundiarekin elkarlanean, antolatu duen topaketan. Bertan, Lookiero, Quantum Mads, eta Danobat enpresek, BAT (B Accelerator Tower) lagun izanda, arazo matematiko batzuk planteatuko dituzte.

ESGIn izena ematen duten pertsonek osatutako lau ikerketa-talde eredu matematikoen eta teknika konputazionalen erabileran oinarritutako soluzio posibleak ematen saiatuko dira. Elkarrekin erakutsiko dute enpresentzat gaur egun funtsezkoa dela hainbat arlotako ikertzaileekin eta, bereziki, matematika industrialeko profesionalekin elkarreragina izatea.