Javier Barroeta Jostuna eta bere Goi-mailako Joskintza Eskola

Javier Barroeta Lemoako jostunak, bere atelier propioa ireki zuen 1989. urtean. Ordurako oso ibilbide luzea eginda zuen; lehenengo Pedro Rodríguez-en jarraitzaile moduan eta ondoren Kamouraska larru-denda ospetsuaren zuzendari kreatibo eta artistikoa izanik. Horrela, gaur egun goi-mailako joskintzaren sortzaile handienetariko bat bilakatu da, arte eta kulturako mundu mailako pertsonak janzten dituelarik.

Aurten, bere ustez diseinatzaile gazte eta modaren munduko profesionalen artean zegoen hutsunea betetzeko, bere Goi-mailako Joskintza Eskola ireki du, goi-mailako joskintzan duen esperientzia eta pasioa erakusteko asmoz.