Arbaso, artisautza digitalizatzen

Bigarren aldiz, Arbasok (Euskal Herriko Artisautza Sustatzeko Elkartea) Basquecraft 2.0 jardunaldiak antolatu ditu. Aurten tresna digitalen erabileran trebatzeko programa modularra burutu dute Beazeko egoitzan sei hilabetez, eta bertan hainbat artisauk parte hartu dute. Bideo honetan, elkarte honen presidentea den Bernat Vidalek esaten digun legez, helburua plataforma informatiko desberdinek eskaintzen dituzten aukerak sektorera hurbiltzea izan da, euren produktuak erakusteko eta merkatu berriak ireki ditzaten.