Beazeko Laguntza Zerbitzuaren edizio berri bat abiarazi dugu EIC Accelerator programaren bitartez finantzaketa eskuratzeko.
Edozein tamaina eta sektoreko enpresentzat, proposamenaren helburua Europako programa honen eskaerak bultzatzea da proiektu disruptiboak babesteko. Xede horrez, proiektuek 5 edo 6 TRL garapen-mailan egon behar dute eta finantzaketa-behar garrantzitsuak izan behar dituzte.
Aurrez ikusten dituen laguntzen zenbatekoa kontuan hartuta, programa berdingabea da. Itzuli behar ez diren 2,5 milioi euro arteko dirulaguntzak eta 15 milioi euro arteko inbertsioak konbinatzen ditu.
Beazek garatu duen zerbitzuak hiru urrats ditu. Lehenengoa prestakuntza orokorrerako saioa da. Irailaren 19an egingo da eta EIC programako aditu batek tresnaren ezaugarriak zehaztuko ditu eta gehienez 10 enpresekin banako alderatze-saioak izango ditu.