Sherpak bere taldea indartu du beste fitxaketa handi batekin. Tom Gruber Siri enpresaren sortzaileak produktu estrategia aholkulari gisa kontratatu zuten, eta Joanna Hoffman, Appleko marketin zuzendari ohia zena ere kontratatua zuten, orain Celestino Garcia batu zaie, Samsung Iberiako presidenteorde korporatibo ohia, Negozio Garapenaren arloa bultzatzeko. Hamar hilabete pasatxo igaro dira fitxaketa batetik bestera. Horien atzetik, Xabier Uribe-Etxebarriak “adimen artifizialari adimena jartzea” du helburu, Sherpa Europako enpresen buru bihurtzeko. Hori lortzeko berehalako urratsa enpresentzako inteligentzia artifizialeko zerbitzuen plataforma berri bat abiaraztea da, hainbat sektoretan aplika daitezkeen lau produktu-lerrorekin.
