Ideable eraldaketa digitaleko prozesuetan softwarea eta akonpainamendua garatzen espezialista den Bizkaiko enpresa bat da. Hainbat sektorerekin lan egiten dute, tartean soziosanitarioarekin. Kwidoren bidez, adineko pertsonak monitorizatzera bideratutako eHealth gailuaren bidez alegia, profesional geriatrikoen eta adineko autonomoen eskura jarri dira online estimulazio kognitiboko jarduera guztiak, doan eta bi hilabetez. Aldi berean, telelana egiten eta proiektu berriak abiarazten jarraitzen dute, hala nola eCardioSurf, bihotz-gutxiegitasuna duten pazienteei laguntzeko app mugikor bat.
