Hainbat dira Eroskik osasun krisiaren ondorioak arintzen laguntzeko hartu dituen neurriak. Horien artean, Bilboko kiroldegietan jasotako etxerik gabeko pertsonentzako arropa ematea edo 65 urtetik gorakoek beren super eta hipermerkatuetan egindako erosketa etxera doan eramatea. Halaber, eta Gurutze Gorriarekin lankidetzan, konpromisoa hartu du COVID-19k eragindako zaurgarritasun-egoeran dauden 25.000 familiaren elikadura-, higiene- eta garbiketa-beharrak betetzen laguntzeko.
