Biolan MicroBioSensores-ek aurkeztutako SO2SAFE proiektuak ETE tresna izeneko programaren 1. fasean lortu zuen finantzaketaren ostean, Europako Batzordeak babesa eskaini dio berriz ere Kabi612n kokatutako enpresa horri eta balorazio bikaina eman ostean, 2. fasera pasa dadin onartu du. SO2SAFE proiektuaren helburua krustazeoetan sulfitoak azkar eta modu zehatzean aurkitzeko balio duen eta behin erabiltzeko diren elektrodo serigrafiatuetan oinarrituta dagoen biosentsore txiki bat garatzea da. 2017ko irailera bitartean, Biolanek SO2SAFEn ezarritako helburuak lortzeko erronkari helduko dio eta horrela, teknologia berritzearen estrategian oinarritutako enpresa-hazkundea indartuko du, konpainia sortu zenetik egiten aritu den moduan.
