Taldekako mentoring-zerbitzuan urtero lau lan-saio egiten dira eta bertan hiruzpalau adituk osatutako mentore-batzorde batek eta enpresa batek parte hartzen dute.
Lehenengoa aztertze-saioa da. Enpresa bakoitzak –bakarka eta ateak itxita– 5 minutu dauzka bere proiektua aurkezteko eta 25’ batzordearen iritziak jasotzeko. Egun horretan bertan aukeraketa egiten da eta gainerako 3 saioetan parte hartuko duten enpresak zein diren erabakitzen da.
Hasierako planteamenduari aldaera erantsi genion, mentore-batzordean parte hartzeko nahiko heldutasunik ez duten proiektu/enpresentzat pentsatuta. Horrela bizkortze txikiko saioak sortu ziren, Lean startupean aditua den Néstor Guerrak zuzenduta.
