Olatz Goitiak Beazen zuzendaritza hartu du orain Ekonomia Sustatzeko foru diputatua den Ainara Basurkoren ordez.
EHUn Enpresa Zientzietan lizentziatua da Olatz Goitia eta, profesionalki, Bizkaiko ekintzailetzari eta enpresei laguntza ematen aritu da beti. Lehenengo eta behin Lea-Artibain eta, duela 17 urtetatik, Beazen, orain arte Enpresa Eraldaketarako zuzendari zereginetan.
Ibilbide honek aukera eman dio Bizkaiko Lurralde Historikoaren errealitatea, burutzen ari diren proiektuak eta ETE eta startupen beharrizanak bertatik bertara ezagutzeko.
Horrez gain Beazen 2019an egindako hausnarketa estrategikoan zuzenean parte hartu du eta honela azaltzen du garai berrirako helburua: “enpresa berritzaileak sortu eta finkatzeko laguntza-ildoak indartzea eta Bizkaiaren lehiakortasun-maila hobetu dezaketen proiektuak eta enpresak lurraldera erakartzen aurrera egitea “.
