Lehendakaritzako diputatua den Unai Rementeriak 2015ko Enplegu Plana ekitaldia aurkeztu du eta azpimarratu du enplegua sortzea dela oraindik Aldundiaren helburu nagusia. Hori lortzeko plan horrek 19.270.000 euroko aurrekontua edukiko du. Horietatik 13,7 milioi euro bideratuko dira enpleguaren sustapenera eta 5,5 milioi euro talentuaren sustapenera. 2015erako Planaren helburuak dira 2.225 lanpostu sortzea eta 1.300 pertsonak parte hartzea enplegagarritasuna hobetzeko eta talentua sustatzeko programetan.
2015erako Enplegu Planak lehentasuna ematen dio gazteen kalitatezko kontratazioa sustatzeari, langabezian luzaroan egon diren pertsonak kontratatzeari eta autoenpleguaren indartzeari.
