Urriaren 24tik 26ra BECen BIME Pro-ren seigarren edizioa burutuko da. Aurten ere egitarauaren barruan startupen nazioarteko bilera eta BIME Pro Campus daude, baina horretaz gain jarduera berriak daude musika, teknologia berriak, ekintzailetza eta berrikuntza konektatzeko.

Berritasunen artean aipatzekoak dira BIME Pro GameBiz eta BIME Pro Vid & Sound, edo musika industrian genero lubakia kendu nahi duen Keychange programarekin bat egitea.

BIME Pro GameBiz aisialdi interaktiboen industria hobetzeko topagunea izateko asmoarekin jaio zen, musika hari komun gisa erabiliz. Bideojokoen industriak 20.523 milioi euro bideratu zituen 2017an, 2.200 milioi jokalarirekin. Horren barruan Iker Uncillak, PlayStationTalents Games Camp Bilbao Bizkaia-ko arduradunak Bizkaiko Foru Aldundiak eta Sony Entertainment Españak bultzatzen duten bideojokoak sortzeko gune honetara nola heldu azalduko dute.

“Vid & Sound”en ikusentzunezko industriaren profesionalek bideoklipen sektoreko azken joerak erakutsiko dituzte.

Aldi berean, bilera profesionalarekin batera, BECen BIME Live burutuko da eta Kafe Antzokian BIME City showcases 2018.