Ireki da Enpresa Berritzaileak Sortzea programaren bigarren deialdia. Horren bidez, Ekonomia Sustatzeko Sailak hazkuntza-ahalmen handia duten enpresa-proiektu berriak abian jartzea babesten du. Eskaerak irailaren 15era arte.
Pertsona fisikoek, EJZn alta eman gabeko edo 2020ko urtarrilaren 1ean edo ondorengo alta duten enpresa berriek, eta barne-ekintzailetzako proiektuak eta/edo enpresa berriak sustatzen dituzten gutxienez 6 lanpostu dituzten enpresek eskura ditzakete.
Programak lau jardun-arlo bereizten ditu:
- Proiektu berritzaileak
- Enpresa berritzaile berriak
- Ekintzailetza-ekosistema dinamizatzea
- Azelerazioa
Eskabideak Ekonomia Sustatzeko Sailaren Bulego Birtualaren bidez formalizatu behar dira.
Beazek foru laguntza horren kudeaketan laguntzen du; prozesu osoan zehar gure talde teknikoaren laguntza izan dezakezue.
