EmON sariak

Bizkaiko Foru Aldundiaren “emON” sariek enpresa proiektu berritzaileak aintzatesten dituzte.

2014.eko edizioaren irabazleak

2013.eko edizioaren irabazleak

Kategoriak
Hautaketa
Saria

Kategoriak

2013ko “emON” sariek lau enpresa proiektu aintzatetsi dituzte, bakoitza kategoria baten barnean: 1) Enpresa sortzeko proiektua; 2) Berrikuntza proiektua; 3) Nazioartekotze proiektua; eta 4) Bizkaia Sortzailea proiektua.

Horiek guztiak Ekonomia Sustatzeko Sailaren programen 2012ko deialdietara aurkeztutako proiektuak dira. Sailak proiektuak onetsi eta finantzatu ditu, eta Beazek haien jarraipena egin du 2013 osoan.

Gainera, enpresa ibilbidea aintzatesteko beste bi “emON” sari eman dira: bata startup baten ibilbiderako eta bestea spinoff baten ibilbiderako. Aldundiaren enpresak sortzeko programaren laguntzaz sortutako enpresak dira, eta Beazek haien jarraipena egin du azken bost urteetan.

Hautaketa

Saritutako proiektuak hautatzeko, Beazeko eta Ekonomia Sustatzeko Saileko zerbitzu teknikoek kategoria bakoitzerako batera aurkeztutako hirukote batean eta Ekonomia Sustatzeko sailburuak, Enpresak eta Berrikuntza Sustatzeko zuzendari nagusiak, Turismorako eta Kanpo Sustapenerako zuzendari nagusiak eta Beazeko zuzendari nagusiak osatutako epaimahaiaren azken erabakian oinarritu dira.

Hautatzeko oinarrizko irizpidea honako hau izan da: proiektua onetsi zenean, enpresa bakoitzak aurkeztu zituen jarduera ekonomikoa eta enplegua sortzeko aurreikuspenen betetze-maila.

Gainera, proiektuetako bakoitzak finantzaketa eman dien programaren helburuetara eta izaerara egokitzeko maila hartu da kontuan.

Saria

Proiektuei dagokienez, hautatutako lau proiektuek sei hilabeteko laguntza izango dute beren proiektuak bizkortzeko. Ekonomia Sustatzeko Sailak eta Beazek laguntza hori finantzatuko dute, eta haren helburua proiektuak dituen jarduera ekonomikoa eta enplegua sortzeko aurreikuspenak ahalik eta arinen lortzea da.

Languages

Infobeaz